Skjønnlitteraturen har lange og stolte tradisjonar i Rogaland. I dei siste åra har det i uvanleg sterk grad spirt fram eit friskt litteraturmiljø med mange spennande namn som har markert seg vel så mykje på riksplan som regionalt. Fleire av dei nye er då også blitt heidra med prestisjetunge prisar. I denne antologien kjem heile 28 skrivande rogalendingar i og utanfor fylket til orde, og dei kjende og kjære er blanda med nye, friske ogeksotiske røyster. Her er både dikt og prosa, og emna spenner vidt. Blant bidragsyterne er Kolbjørn Hauge, Martin Nag, Åse-Marie Nesse, Sylvelin Vatle, Ardashir Esfandiari, Else Karin Bukkøy, Tor Obrestad, Tore Renberg ogHelge Torvund. Bak i boka er det tatt med ein kort presentasjon av forfattarane.