Jon Fosse vaks opp i eit puritansk miljø på Vestlandet. Som 16-åring melde han seg i protest ut av Den norske statskyrkja. Men Fosse fann seinare tilbake til ei religiøs livsforståing gjennom skrivinga si, og konverterte i 2013 til katolisismen. Fosse, som i årevis har interessert seg for gnostisisme, kristen mystikk og kvekarrørsla, er no altså katolikk. Kva skjedde? I denne boka samtalar teolog og katolikk Eskil Skjeldal med Fosse om vegen fram til konverteringa. Dei diskuterer mellom anna tru, åndelege og mystiske erfaringar, skriving, alkoholisme, sjukdom og kvardagen som katolikk.
