"Morkinskinna" er eit fargerikt, dramatisk og humørfylt sagaverk om dei norske kongane etter Olav Haraldsson. Boka framstiller tankegangane og veremåtane til kongane " og dei moralske dilemma som dei kjem opp i. "Morkinskinna? viser kongane i eit gunstig lys, men manglar ikkje nyanserike og sterkt kritiske skildringar av karaktertrekka deira. Konflikten mellom lojal teneste for kongane og personleg integritet kjem og fram, ofte i kraftfulle replikkar frå det kongelege hoffet. Innimellom finst det talrike stubbar med humor. Handlinga går føre seg både i Noreg og fjernt frå kystane i nord ? på Sicilia, i Konstantiopel og i Palestina. "Morkinskinna" skil seg frå "Heimskringla" av Snorre Sturlasson ved at den er meir omfattande spesielt i portretta av Magnus den gode og Harald Hardråde. Her finn ein stoff som Snorre ikkje legg fram. Det er fyrste gong at "Morkinskinna" kjem ut på eit skandinavisk språk.
