Grønskinet er Jan Ove Ulstein si første diktsamling for barn og ungdom. Dikta inneheld ei blanding av humor og alvor, og versa vekslar mellom fri form og meir bunden rytme med bruk av enderim. Sjølv om dikta handlar om ulike tema, merkar lesaren at dette er dikt med røter i den norske kystkulturen. Forfattaren hentar inspirasjon frå naturen og nærmiljø og ikkje minst frå veret. Her finst mange gullkorn, gode formuleringar og leik med ord som skaper nye og spanande assosiasjonar. Dikta er illustrert med fantasifulle, fargerike bilete utført i ulike teknikkar. Dei hentar poeng frå tema i dikta, samtidig som dei lever sitt eige liv. Boka har tradisjonell "Leseløve-layout" med store, gode skrifttypar og er lett å lese. Damm, 1997.