Musikkprat: Vegen inn i folkemusikken

Anders S. Hana er musikar frå Stavanger. Tidlegare har han blant anna spelt i banda Jaga Jazzist, MoHa!, Noxagt, Ultralyd, og Ingebrigt Håker Flaten Kvintett. Sidan 2017 har han blitt dratt meir og meir inn i folkemusikken, og han starta i 2019 folkemusikkserien Gorrlaus i Stavanger.

Denne kvelden kjem han til oss på biblioteket for å fortelle om sin veg inn i folkemusikken. Kva har vore inspirasjonen? Korleis er det å lære nye, og ikkje minst svært tradisjonelle instrument i vaksen alder? Og lever folkemusikken i dag? Det blir også lytteeksempel frå arkivet, og demonstrasjon og slåttespel på munnharpe, langeleik og hardingfele.