Humoristisk tilbakeblikk på korleis internett berga ungdomstida.
Dette er ikkje ei faktabok om internett, men eit festleg gjensyn med ei ungdomstid dei fleste kjenner igjen. Forfattar Anne Gunn Halvorsen var sjølv fjorten år då internett vart allemannseige på 90-talet, og chattinga redda den unge Anne Gunn frå å døy av keisemd.
Det er flott å bli minna på kvifor vi har lagt vår elsk på internett – og å sjå at det kanskje ikkje er så farleg likevel?
Nina Olaussen
Sandnes bibliotek
Om boken
Korleis vart internett ein del av oss? Dette spørsmålet utforskar Anne Gunn Halvorsen i denne boka som tar utgangspunkt i hennar eigen oppvekst i ei bygd i nittiåra. Gjennom dagboknotat og intervju med gamle venner og kjærastar, fagfolk og programmerarar fortel ho historia om då internett kom til Noreg: ein unik epoke i norsk mediehistorie då samfunnshierarkiet vart snudd opp ned og barn og unge vart superbrukarar. Det handlar om teknologien, politikken og driftene som gjorde internett til allemannseige. Dette er også ei bok om den første generasjonen som levde ungdomstida si digitalt. Dei som brukte kvar ledige stund til å snakke med framande på nettet utan at foreldra ante kva dei dreiv med. Kva gjorde det med dei? Og kvifor nektar dei no eigne barn å oppleve det same? «Nyttårsforsett: Vere mindre på internett?» Anne Gunn Halvorsen, skuledagbok, januar 2000
